|
Акцыя памяці 15-й гадавіны аварыі на ЧАЭС.
|
Учора, 26 красавіка ў Барысаве актывісты моладзевага руху "Зубр" правялі несанкцыянаваную акцыю памяці 15-е гадавіны аварыі на ЧАЭС.
Яшчэ ўдзень 26 красавіка ў розных навучальных установах гораду з вучнямі праводзіліся "прамываньні мозгаў" на тэму маючай адбыцца акцыі "Зуброў" у Барысаве. Настаўнікі настойліва раілі нікуды не хадзіць, а калі даведаюцца , што тыя не паслухаліся, пагражалі выгнаць з вучобы.
А на цэнтральнай плошчы гораду пачынаючы з 18.00 стаяла некалькі "варанкоў", ды паўсюль шпацыравалі ўзмоцненыя міліцэйскія нарады. Міліцыянты прыпынялі кожага падазронага чалавека, шукаючы нейкія ўлеткі.
Ня гледзячы на ўсе запалохваньні й "контармэры" праваахоўных ворганаў ды настаўнікаў, у 21.00 ля сотні "зуброў" выйшла на цэнтральны пляц гораду, трымаючы ў рукох сьвечкі. Яны разышліся па ўсяму пэрымэтру плошчы, стварыўшы незабывальнае відовішча (такога Барысаў яшчэ ня бачыў).
Да акцыі далучаліся простыя мінакі, а каля людзей са сьвечкамі прыпыняліся аўтамабілі. Міліцыянты былі разгубленыя... Акцыя цягнулася каля 20-ці хвілінаў, пасьля чаго яе ўдзельнікі арганізавана разышліся.
А літаральна празь некалькі хвілінаў на плошчу ў цывільным пад'ехаў сам начальнік барысаўскай міліцыі, палкоўнік Еўстаф'еў, але акрамя двух падвыпіўшых мінакоў ён нікога не змог затрымаць.
Прэс-рэліз
|
Сайт управляется системой uCoz |
